This book was created and published on StoryJumper™

©2010 StoryJumper, Inc.   All rights reserved.

Publish your own children's book: 

www.storyjumper.com

Érase unha vez, hai moitos anos, nun 

castelo vivían un rei, a raíña e as súas 

tres fillas. O castelo estaba na cima 

dunha montaña para poder vixiar e 

defenderse dos inimigos. Era un castelo 

moi antigo, grande e construido con pedras 

de cor gris. Tiña un foso ao seu arredor   con 

crocodilos e pirañas e unha ponte levadiza 

que podían subir cando viñan os inimigos.

O rei Federico era alto, un pouco gordecho 

e tiña unha barba moi longa. Era moi bo 

coas súas fillas e cos seus súbditos. A raíña 

chamábase Fiona e era baixa, tiña o pelo 

curto e loiro e era moi fermosa. Gustáballe 

moito estar coas súas fillas facendo bordados 

e xogando ao xadrez.

A terceira filla chamábase Noema. Non lle 

gustaban os vestidos de princesa nin os 

banquetes que se facían no castelo. 

Gustábanlle os animais, correr e saltar nos 

charcos, dar paseos polo bosque... E sobre todo 

encantáballe ver as xustas dos cabaleiros. Ela 

quería ser cabaleiro para protexer aos débiles.

 O rei e a raíña pensaban:

- Que rara é a nosa filla!

E sempre lle dicían:

- Iso é unha parvada!

- E por que non podo ser un cabaleiro?

- Porque ti es unha princesa e tes que ser 

delicada, como as túas irmás.

A princesa quedouse moi triste cando o rei lle 

dixo que non podía ser cabaleiro, pero ela 

quería demostrarlles aos seus pais que podía 

facelo.

Pero unha noite, cando estaba entrenando, o 

pai viuna, e moi enfadado, saiu ao patio e 

díxolle:

- Pero que estás a facer, Noema? 

- Estou entrenando para ser cabaleiro.

- Ti non podes ser cabaleiro! Pódeste mancar!

- Pero eu quero defendervos a vós e ao noso 

pobo.

- Non che dixen que non podías ser cabaleiro? 

Estás castigada! Pasa agora mesmo para 

cama!

A princesa enterouse de que na seguinte 

semana se celebraba un torneo de cabaleiros no 

castelo, e seguiu entrenando para participar nel.

Á semana seguinte, a princesa púxose o helmo 

e a armadura e foi cara ao torneo. Quería gañar 

a toda costa. Non tiña medo ningún.

Foi buscar ao seu cabalo Trote para ir á 

competición e alí foi.

Noema fíxoo moi ben no torneo e derrotou a 

todos os seus adversarios.

Cando acabou o torneo Noema quitou o helmo 

e todo o mundo quedou coa boca aberta. 

O rei díxolle:

- Non o podo crer! Demostráchesme que 

podes ser un cabaleiro! Noraboa, Noema! Aquí 

tes o teu premio!

Noema recibiu unha marabillosa espada e a 

partir de entón seguiu preparándose para ser o 

mellor cabaleiro.

FIN