VI A ჯგუფის ელემენტები საკმაოდ გავრცელებულია დედამიწაზე. მასში შემავალი ელემენტებია: ჟანგბადი, გოგირდი, სელენი, ტელური და პოლონიუმი.

ჟანგბადი

ჟანგბადი დედამიწაზე გავრცელებული არამეტალია. მისი სიმბოლოა O. მისი ატომური ნომერია 8, ხოლო ატომური მასა 16. ჟანგბადის ფორმულაა O2.

ჟანგბადი მესამე ყველაზე გავრცელებული ელემენტია სამყაროში. დედამიწაზე მისი მაღალი კონცენტრაცია ფოტოსინთეზის შედეგია.

2H2 + O2 = 2H2O - წყალი

Si + O2 = SiO2 - ქვიშა

ჟანგბადის როლი დედამიწაზე მიმდინარე სასიცოცხლო პროცესებში და ტექნიკის ნებისმიერ დარგში ძალიან მნიშვნელოვანია. ის აუცილებელია წვისთვის.

CH4 + O2 = CO2 + H2O +Q

გოგირდი

გოგირდი ყვითელი ფერის მყარი არამეტალია. მისი სიმბოლოა S. გოგირდის ატომური ნომერია 16, ხოლო ატომური მასა 32. ის წყალში არ იხსნება. ბუნებაში გავრცელებულია თავისუფალი სახით, თუმცა გვხვდება ასევე ნაერთების სახითაც.

გოგირდი ქიმიურად აქტიური არამეტალია. ის ძლიერი მჟანგავია.

მისი გამოყენება მრავალგვარია. მას გამოიყენებენ: სოფლის მეურნეობაში, მედიცინაში და ქიმიურ მრეწველობაში.

სელენი

სელენი მეოთხე პერიოდის მთავარი ქვეჯგუფის ელემენტია ატომური ნომრით 34. მისი ატომური მასაა 79, აღინიშნება სიმბოლოთი Se. სელენი სხვადასხვა ფერისაა.

სელენი გოგირდის ანალოგია. სელენმჟავა თითქმის ისეთივე ძლიერია, როგორც გოგირდმჟავა.

სელენი გამოიყენება ფოტოელემენტებისა და დენის გამმართველების დასამზადებლად.

ტელური

ტელური მეხუთე ჯგუფის მთავარი ქვეჯგუფის ნახევარლითონია ატომური ნომრით 52. მისი ატომური მასაა 128.

ტელური ტოქსიკური ელემენტია თუმცა მას მაინც ფართოდ იყენებენ.

პოლონიუმი

პოლონიუმის ატომური ნომერია 84, ხოლო ატომური მასა 209. პოლონიუმი ბუნებაში გავრცელებულია ძალიან უმნიშვნელო რაოდენობით. ის რადიოაქტიულია და გამოიყენება ატომურ ბატარეაში ელექტროენერგიის მისაღებად.