ЦЭЦЭРЛЭГ СУРГУУЛИЙН ОРЧНЫ 

ЦЭВЭРЛЭГЭЭ, ХАЛДВАРГҮЙТГЭЛ

КОРОНАВИРУСТ ХАЛДВАР (COVID-19)-ЫН ҮЕД: 

SARS-CoV-2-ын бүрхүүлтэй вирусын эсрэг идэвхтэй үйлчилдэг халдваргүйжүүлэх бодисууд олон байдаг ба тэдгээрийн дийлэнхийг олж ашиглаж боломжтой. Өнөөдрийн байдлаар ДЭМБ-аас дараах бодисуудыг хэрэглэхийг зөвлөмж болгож байна. 

Үүнд: 

1. Спиртлэг нэгдлүүдийг жижиг талбай, дахин ашигладаг багаж хэрэгслийг (жишээлбэл биеийн халуун хэмжигч багаж) халдваргүйжүүлэх 

2. Хлорын уусмалуудыг гадаргууг халдваргүйжүүлэх

ЦЭВЭРЛЭГЭЭ ХИЙХ БОЛОН ХАЛДВАРГҮЙТГЭЛ ХИЙХИЙН ЯЛГАА

Цэвэрлэгээ:

 Цэвэрлэгээ нь саван, угаалгын нунтаг, ус ашиглан гадаргуу дээрх бохирдол, тоос шороо, хог хаягдлыг зайлуулах.

КОВИД-19 болон бусад халдварт өвчлөлийн үед цэвэрлэгээ хийсний дараагаар халдваргүйтгэл хийснээр өвчлөлөөс урьдчилан сэргийлэх нөхцөл бүрдэнэ

ЦЭВЭРЛЭГЭЭ ХИЙХ БОЛОН ХАЛДВАРГҮЙТГЭЛ ХИЙХИЙН ЯЛГАА

Халдваргүйтгэл:

 1.Гадаргуу болон биет дээрх өвчин үүсгэгч бичил биетэнг устгах, идэвхгүйжүүлэх 

2.Халдваргүйтгэлийг химийн бодис ашиглан, цэвэрлэгээ хийгдсэний дараа хийнэ

ЦЭВЭРЛЭГЭЭ, ХАЛДВАРГҮЙТЭЛ ХИЙХДЭЭ ЗАЙЛШГҮЙ АНХААРАХ ГАДАРГУУ

Анги танхим болон олон нийт зорчдог хэсгийн хамгийн их хүрэлцдэг хэсгүүдийг давтамжтайгаар цэвэрлэх шаардлагатай. 

Үүнд: 

 -Анги танхимын хаалганы бариул, самбар 

 -Сандал, ширээний тавцан 

 -Номын тавиур, принтер, компьютерийн гар, хулгана  

  -Гэрлийн унтраалга 

   -Дундаа ашиглаж байгаа хичээлийн хэрэгсэл 

   -Хогийн сав, өлгүүр, цонхны тавцан

ЦЭВЭРЛЭГЭЭ, ХАЛДВАРГҮЙТЭЛИЙГ ХЭЗЭЭ ХИЙХ ВЭ?

Цэвэрлэгээ, халдваргүйтгэлийг ээлж хооронд, завсарлагаа хооронд хийнэ. 

Үүнд: 

-Өглөө бүр сурагчид ирэхээс өмнө хийх 

-Сурагчид анги танхимд байхгүй, завсарлагааны хооронд

 -Үдийн цай 

-Хичээлийн ээлж хооронд

ХАЛДВАРГҮЙЖҮҮЛЭХ БОДИСЫН НАЙРЛАГА, ХЭРЭГЛЭХ АРГА

ДП-2Т - 7.5л 1ш 0.02%- Урьдчилан сэргийлэх зорилгоор өрөө тасалгааны хаалга, хаалганы бариул, хана, цонх, шал, ширээ, сандал, тавиур, шүүгээ гэх мэт хатуу гадаргууг халдваргүйжүүлнэ.

Гипохлорид натри - БЕЛЕЗНА-1 л 150мл 1%-Шал хаалганы бариул гэх мэт хатуу гадаргуу Ариун цэврийн өрөөний угаалтуур суултуурыг халдваргүйжүүлнэ

ХАЛДВАРГҮЙТГЭЛД ХЭРЭГЛЭГДЭХ ЗҮЙЛС

Бодисууд: 

Улсын бүртгэлд бүртгэгдсэн ариутгал, халдваргүйтгэлийн бодисыг үйлдвэрлэгчийн зааврын дагуу хэрэглэнэ. 

Үүнд: хлорлог, иодлог, спиртэн нэгдлүүдийг цэцэрлэг, сургуулийн орчинд хэрэглэнэ.

COVID-19 ЦАР ТАХЛЫН ҮЕД АГААРЖУУЛАЛТЫГ САЙЖРУУЛАХ  

Хуульд зааснаар:

 Ажил олгогчид ажлын байранд цэвэр агаар орох нөхцлийг бүрдүүлэх агааржуулалтыг шийдсэн байх ёстой бөгөөд ялангуяа цар тахлын үед үүнийг улам анхаарах. 

• Агааржуулалт сайтай, хүн хоорондын зай барьсан, цэвэрхэн, гараа тогтмол угаах боломжтой байх нь коронавирус тархах эрсдлийг бууруулна.

АГААРЖУУЛАЛТ ЯАГААД ЧУХАЛ ВЭ?

Агааржуулалт муутай орчинд ярих, ханиах, найтаах үед вирус агуулсан том дуслууд нь хүнд учир доош унаж жижиг дуслууд нь өрөөнд тархана.

АГААРЖУУЛАЛТ ЯАГААД ЧУХАЛ ВЭ?

Вирусын халдвар авсан хэн нэгэнтэй битүү орчинд хамт байх тохиолдолд тэнд байгаа хүмүүс агаарт байгаа жижиг хэсгүүд буюу аэрозолоор амьсгалдаг. 

• Хэрэв агааржуулалт сайтай бол агаар дахь вирусын концентрацийг бууруулж вирус агаар дуслын замаар дамжих эрсдлийг бууруулдаг. 

Анхаар: Агааржуулалт сайтай байсан ч хүрэлцэх болон вирус агуулсан дуслууд өрөөнд тархах эрсдэл хэвээр байна