Isang normal na umaga na naman ang sumalubong kay Ebby. Isang mainit na klima ang sa kanya'y nagpagising.

Araw ng Martes...

Bangon sa kama tapos kaunting inat ng mga buto-buto at diretsong bukas ng cellphone.

Naging normal naman ang lahat para sa kanya ang mga nangyari sa umaga ngunit siya ay nakatagpo ng isang suliranin.

Nakatakda pala siyang makipagkita sa mga kaibigan ninya lalo at higit sa kaibigan niyang reberendo.

Napaisip siya sapagkat noon ay araw ng Martes. Parehong oras ng pagkikita niya sa mga kaibigan niya ay ang pagtuturo niya sa estudyante niya na isang Koreano.

Sino kaya ang pipiliin ko?

"Napagisipan ko na makipagkita sa kaibigan ko sapagkat may iilang araw na lamang ang kanyang pananatili dito sa lugar namin. Sa kadahilanang siya ay aalis na para ipagpatuloy ang kanyang bokasyon sa pagpapari."

-Ang sabi ni Ebby

Nahirapan man siya na timbangin, sa huli ay minarapat niyang makipagkita sa kaibigan sapagkat ang tagpong iyon ay hindi na muling mauulit pa. Napagtanto niya na muunawaan naman ito siguro ng kanyang estudyanteng Koreano.

At doon ay masaya silang nagkwentuhan at sinulit ang mga oras na kanilang ninais na pagsamahan. Naging daan para magpasalamat sa isa't isa at sa mga sayang pinagsaluhan nila noong mga panahong nagkakasama pa sila.