Физика-таңғаларлық пән! 

Бір күні қолыма физиканы ұстап, ауладағы ағаштың түбіне отырдым.Мен арманға беріліп,оқулықты қолымнан түсіріп алдым. Дәл осы сәтте кітаптың ішінен ызаланған физиктер пайда болды да,кітапты қолымнан түсіріп қана қоймай, олардың барлығын мазақ қылғандай құлатып,жарақат алып қалғандары үшін ашуланып,мені жазалауды шешті.

Олар бірден өзара ақылдасып, мені Атомға - кішкене бөлшекке айналдырып жіберді.

     Бастысы мен бір нәрсенің ішіндемін, енді кітаптан емес, өзімнің тәжірибемнен білетін адам боламын деген де ой келді.

Қарасам,атомдар маған келіп:

- «Атың кім?» деп сұрайды.

- «Атом», - деп жауап бердім.

- Жоқ, сіз бейтарап атомсыз ба, әлде иондалған атомсыз ба бізді қызықтыратыны сол?

«Мен білмеймін», - деп жауап бердім.

- Көрдің бе, бәріміздің денеміз бар, бұл протон, ал біз әдемі электрондардың электронды қабықшасына киінгенбіз. Егер сен электрондардың бір бөлігін біреуге берген болсаң, сен ашкөз емес, оң сипаты бар Ионға айналасың. Бірақ егер біреуден электрондарды алсаң немесе жай ғана қабылдасаң, онда теріс, нашар боласың, біз мұндай атом-иондарды ұнатпаймыз, біз олардан аулақ болуға тырысамыз.

Мұнда бір атом былай дейді:

"Қараңдаршы, оның барлық электрондары орнында, ол оларды ешкімге бермеген және ешкімнен алған жоқ, ол бейтарап атом." Онымен дос болайық.