ჩვენი სამყარო უზარმაზარი და საიდუმლებით სავსეა. ის შედგება უამრავი ციური სხეულისგან — ვარსკვლავებისგან, პლანეტებისგან, მთვარეებისგან, კომეტებისა და სხვა კოსმოსური ობიექტებისგან. ისინი ერთად ქმნიან გალაქტიკებს, ხოლო გალაქტიკები — მთელ სამყაროს, რომელიც დაუსრულებლად გვახსენებს, თუ რამდენად დიდი და მრავალფეროვანი სივრცეა კოსმოსი. 

ჩვენი სამყარო 

 — ანუ ირმის ნახტომია. აქ მდებარეობს მზე, რომელიც ჩვეულებრივი ვარსკვლავია, მაგრამ ჩვენთვის ყველაზე მნიშვნელოვანი, რადგან მისი სინათლე და სითბო დედამიწას სიცოცხლეს აძლევს. ირგვლივ ბრუნავენ პლანეტები, მათ შორის ჩვენი დედამიწაც, და თითოეულ მათგანს აქვს თავისი ისტორია და საკუთარი თავისებურებები. 

ჩვენი გალაქტიკა „რძიანი გზა“

გალაქტიკის ზეცაში ჩანს თანავარსკვლავედებიც — ვარსკვლავების ისეთი ჯგუფები, რომლებიც ერთმანეთის გვერდიგვერდ მოწესრიგებულნი ცაში გარკვეულ ფორმებს ქმნიან. ადამიანები მათ უკვე ათასწლეულებია აკვირდებიან და სახეებს, ცხოველებს  ან მითოლოგიურ გმირებს ამჩნევენ. 

სამყარო უზარმაზარი წიგნივითაა, სადაც ყოველი ციური სხეული თავისი ისტორიით გვიზიდავს. თითოეული ვარსკვლავი, პლანეტა თუ მთვარე თითქოს პატარა მოგზაურია უსასრულო სივრცეში, რომელიც საკუთარ გზას მიჰყვება. ისინი გვახსენებენ, რომ კოსმოსი სავსეა საიდუმლოებებით, საინტერესო აღმოჩენებითა და საოცარი სილამაზით, რომელიც ადამიანის თვალს არასოდეს სწყინდება. ახლა კი დროა, თვითონ პლანეტებმა, მზემ, მთვარემ მოგვითხრონ თავიანთი ამბები.

მზე: „გამარჯობა! მე ვარ მზე — ჩვენი მზის სისტემის გული და მთავარი სინათლის წყარო. ჩემმა სითბომ და ენერგიამ შექმნა პირობები, რომ დედამიწაზე სიცოცხლე გაჩენილიყო. მე ძალიან ცხელი ვარ — შუაში კიდევ უფრო ცხელიც, ვიდრე გიგანტური ცეცხლი. ჩემ გარშემო პლანეტები ბრუნავენ“  

„გამარჯობა, მე ვარ მერკური — მზესთან ყველაზე ახლო პლანეტა. ამის გამო დღე ძალიან ცხელია ჩემთან, ხოლო ღამე— უკიდურესად ცივი. მე ყველაზე პატარა პლანეტაც ვარ, მაგრამ სწრაფი: მზეს ყველაზე სწრაფად ვუვლი წრეს!“. მე რომაული ღმერთის- მერკურის სახელი მქვია. მერკური ღმერთების შიკრიკი იყო. 

ვენერა: „მე ვარ ვენერა — დედამიწის ‘ტყუპის მსგავს’ პლანეტადაც მთვლიან, რადგან ზომით ერთმანეთს ვგავართ. მაგრამ ჩემთან ცხოვრება შეუძლებელი იქნებოდა: მე ძალიან ცხელი ვარ და ჩემი სქელი ატმოსფერო სითბოს ვერ გასცემს, ამიტომ მზის სისტემაში ყველაზე მაღალი ტემპერატურები სწორედ ჩემზეა!“. მე ისეთი კაშკაშა და მნათობი ვარ, ზოგჯერ ამოუცნობი მფრინავი ობიექტი, ზოგჯერ კი ვარსკვლავი ვგონივარ. 

 „გამარჯობა, მე დედამიწა ვარ — ერთადერთი პლანეტა, სადაც სიცოცხლე არსებობს. მაქვს წყალი, ჰაერი და ზომიერი ტემპერატურა, რაც ადამიანებსა და სხვა არსებებს სიცოცხლის საშუალებას აძლევს. ჩემი ზედაპირის უდიდესი ნაწილი წყალს უკავია. პირველი ცოცხალი ორგანიზმებიც ხომ სწორედ წყალში გაჩნდნენ. ალბათ გაინტერესებთ ჩემი ასაკი... ეს დაახლოებით 4,5 მილიარდი წელია. ჩემ გარშემო ბრუნავს ერთი თანამგზავრი — მთვარე, რომელიც ღამით ჩემს ცას ანათებს.“

დედამიწა

მთვარე: გამარჯობა, მე ვარ მთვარე — დედამიწის ერთადერთი ბუნებრივი თანამგზავრი. მე არ მაქვს საკუთარი სინათლე, მაგრამ მზის სხივებს ვიპარავ და ასე ანათებს ჩემი თეთრი ზედაპირი ღამეს. გავლენა მაქვს ოკეანის მიქცევაზე და მოქცევაზე. ხშირად ადამიანებსაც ვათვალიერებ, როცა ჩემკენ იხედებიან და მაკვირდებიან. ჩემს ზედაპირზე ბევრი კრატერია, რომელიც ასტეროიდების შეჯახებით გამიჩნდა.“

მარსი: „მე ვარ მარსი — წითელი პლანეტა. ასე ვჩანვარ, იმიტომ რომ ჩემს ზედაპირზე ბევრია რკინის მტვერი. მეც მაქვს მთები, ვულკანები და კიდეც უდიდესი ხეობა მზის სისტემაში! ადამიანები ხშირად მაკვირდებიან, რადგან ოდესღაც შესაძლოა ჩემზეც არსებობდა წყალი. დედამიწისაგან განსხვავებით მე ორი თანამგზავრი მყავს- ფობოსი და დეიმოსი.“