Кога е кај баба и дедо на гости Елена од мојот влез се буди со мирисот на пржените лепчиња, а заспива со чрчорот на ластовичките.

Дојде средината на април, а нивните ластовички не дојдоа. Гнездата на другите куќи веќе беа полни чрчор. Елена постојано гледаше во гнездото од нивната куќа и се прашуваше што се случило со нивните ластовички.

Ги здогледа штрковите кои го дотеруваа седалото на првата бандера па ги праша:

-Ги видовте ли нашите ластовички?

-Уште се во Африка- одговори мажјакот.-Син им не сакаше да дојде.

Елена не се мислеше многу. И по неколку илјади километри, стигна на адресата што и ја кажаа. Таму ја пречекаа вознемирените родители.