Цели:

 Преку Бура на идеи учениците ги кажуваат своите размислувања што се знаат за пролетта, за промените што ги забележуваат во природата, дрвјата, тревата, инсектите итн. Ги прашувам дали знаат кое цвеќе ни го најавува нејзиното доаѓање, кој е всучност предвесник на пролетта. Во раката држам и им прикажувам кокиче и го опишуваме неговиот изглед, форма, боја.. Им ја најавувам денешната активност дека ќе учиме текст за едно кокиче.

Бура на идеи

пролет

цвеќиња

штрк

сонце

трева

ластовички

ПРВОТО КОКИЧЕ

  Зимата веќе не можеше да остане. Доаѓаше сонцето и и се закануваше дека ќе ја стопи. Затоа ги прибра парталчињата од заостанатиот снег, го јавна северецот и замина во постудените предели.

Но, на една снегулка не и се одеше. Во текот на зимата таа се спријатели со еден сув лист и со еден желад, па не сакаше да се раздели. Освен тоа, тие цела зима и зборуваа многу убави работи за сонцето и затоа посака да го види тој принц на кого толку многу му се радуваа и му се восхитуваа листот и желадот. 

Кога зимата почна да го собира парталавиот снег, таа се скри под сувиот лист.

           -Излегувај од тука!- и викна зимата. -Ако не ме послушаш, ќе му наредам на Северецот сосема да те заледи!-продолжи да се заканува.

Но снегулката не сакаше да излезе. Штотуку зимата се подготви непослушноста да ја казни со северецот, сонцето ѕирна низ гранките и ја натера да бега.

-Колку ли бои има тука?-воодушевено воздивна снегулката...-Не жалам што ќе се стопам сега, кога ја видов оваа убавина...

-Не, нема да умреш!-и се јави сонцето, благодарно и среќно од пофалбата. -Ти ми се израдува и затоа ќе те наградам!

Зракот изговори неколку волшебни зборови, ја допре снегулката и таа се претвори во нежно цветно ѕвонче.

Од тогаш многу ситни бели цветови на крајот од секоја зима први го пречекуваат и го поздравуваат сонцето.