Ang Kasiyahan ng aking Pamilya

Gising na mga anak, ang sabi ni Aling Maria sa kanyang dalawang anak na sina Clark at Lia.

"Mamamasyal na po ba tayo nanay?" tanong ni Lia.

"Oo mga anak, masayang sabi ng nanay nila.

"Yehey! Makakapanood na naman tayo ng isang pagdiriwang na nagpapakita ng pagiging Pilipino," ang sabi naman ni Clark.

Kasiyahan na ng Pamilya Burgos ang mamasyal sa iba't ibang pagdiriwang sa Pilipinas. Panata na ng mag-anak na masaksihan ang kasiyahan sa iba't ibang bahagi ng Pilipinas. Napuntahan na nila ang Pahiyas Festival sa Lucban, Quezon, Masskara Festival sa Bacolod, Sinulog sa Cebu at Panagbenga sa Baguio.

Ngayong araw, sila ay manonod ng Indak-Indak sa Kadalanan na ipinagdiriwang sa Davao tuwing Kadayawan.

"Nanay, tatay, ano po ba ang ibig sabihin ng Indak-Indak sa Kadalanan? tanong ni Clark.

"Ito ay isang magarbong kontes ng pagsasayaw sa kalsada. Ito ay ginagawa bilang pasasalamat sa mabuting ani ng mga taga-Davao," pahayag naman ni Mang Tonying.

"Sino-sino po ba ang kasali? tanong naman ni Lia.