დედამიწა მზისგან დაშორებული მესამე პლანეტაა. იგი ვეება ბურთია,რომელიც კოსმიურ სივრცეში ბრუნავს. დედამიწას გარს ჰაერი აკრავს. მას ცისფერ პლანეტას უწოდებენ, ვინაიდან დედამიწის თითქმის სამი მეოთხედი წყლით არის დაფარული. 

ჩვენი პლანეტის არსებობა 5 მილიარდ წელს ითვლის და ამ პერიოდში წარმოუდგენლად ბევრი საინტერესო რამ მოხდა. 

22 აპრილს აღინიშნება დედამიწის დღე. ის მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომლშიც ყოველ წელს მსოფლიოს 192 ქვეყნის სხვადასხვა ორგანიზაცია და მილიონობით მოხალისე მონაწილეობს.

საქართველო 1990 წლიდან შეუერთდა იმ ქვეყნების რიცხვს, სადაც დედამიწის დღე აღინიშნება.

სამწუხაროდ, ადამიანთა დაუდევრობამ დედამიწა დააავადა, დააუძლურა. 

დაბინძურდა ჰაერი, წყალი, გაიჩეხა ტყეები - დედამიწის ფილტვები, ადამიანმა არასწორად გამოიყენა ბუნებრივი რესურსები.

ვერ მოვურფთხილდით ამ ღვთისგან ბოძებულ სამოთხეს, ვერ დავიცავით იგი და შედეგმაც არ დააყოვნა: დედამიწა უმძიმესმა ინფექციამ - კორონავირუსმა - მოიცვა.