აკაკი წერეთელი

ამ წიგნში გაეცნობით მოკლე ბიოგრაფიულ ცნობებს დიდი ქართველი მწერლის

აკაკი წერეთლის შესახებ.

წაიკითხავთ ერთ პატარა ნაწყვეტს მისი მოგონებებიდან, რომელშიც გიმნაზიაში სწავლის პერიოდზე გვიამბობს.

მოკლე ბიოგრაფია

აკაკი წერეთელი დაიბადა 1840 წლის 9 ივნისს, ზემო იმერეთის ერთ-ერთ ულამაზეს კუთხეში, საჩხერის რაიონის სოფელ სხვიტორში.

ძველი ჩვეულების თანახმად, პატარა აკაკი აღსაზრდელად ძიძას მიაბარეს მახლობელ სოფელ სავანეში, სადაც 6 წლამდე იზრდებოდა.

აკაკი წერეთლის ძიძისეული კარ-მიდამო

 სოფელ სავანეში

ოთახი, სადაც გაიზარდა აკაკი წერეთელი

ძიძის სახლში

1852 წლიდან ქუთაისის კლასიკურ გიმნაზიაში სწავლობდა.

დღევანდელი ნაწყვეტი მისი მოგონებებიდან, სწორედ გიმნაზიაში სწავლის პერიოდს ეხება.

აკაკი წერეთელი გარდაიცვალა 75 წლის ასკში

1915 წლის 26 იანვარს.

დაკრძალულია თბილისში,

ქართველ მწერალთა და საზოგადო მოღვაწეთა მთაწმინდის პანთეონში.

გიმნაზიაში

ერთხელ, სწავლა რომ გათავდა და შეგვასვენეს, მე, რადგანაც დილას არა მეჭამა რა, შევირბინე შინ, ჩავიდე ახალუხის ჯიბეში ცხელი მჭადის კოკორი და მივაშურე კლასს, არ დამაგვიანდეს-მეთქი. მასწავლებელს ფეხად შეესწრო ჩემთვის და ხუთი მოწაფე კიდეც გამოეხმო და გაემწკრივებინა.

შევყავი თავი თუ არა, მომაყვირა: - შენ, აქ მობრძნდი და დადექი ამათთანაო! მივედი და გავჩერდი. ცხელი მჭადი მომედვა ბარძაყზე და მეცხუნა! მე შმაშური დავიწყე, ხელი მოვისვი. ასე რომ ავტოკდი, მასწავლებელმა შემნიშნა და მკითხა: რა გემართებაო? დაფარვა აღარ შეიძლებოდა... ამოვაყოფინე ჯიბიდან მჭადს თავი... შეგირდებმა გადაიხარხარეს. მასწავლებელმა ულვაშებში ჩაიცინა, გამომართვა მჭადი და წინ მაგიდაზე დაიდო. მე სირცხვილის ოფლი გადამსკდა.