ციფრი ერთი გახლავართ

ალბათ გამოიცანით,

დამაკვირდი, ხომ ვარ მართლაც

გადაჭრილი ხის ტანი.

თუმცა შეფასების ნიშნად

მოსწავლეებს არ ვუყვარვარ,

მე ვარ ციფრი ორიანი

ტანით გედის ყელსა ვგავარ.

ზარმაც მოსწავლეს მოვწონვარ,

ბეჯითი სულაც არ მელის,

მე ციფრი სამი გახლავართ,

ჩიტს ვგავარ ცაში გაფრენილს.

დედას ხელი შევაშველე,

ცოტა საქმე როდი აქვს,

სკამი გადმოვაბრუნე და

მივამსგავსე ოთხიანს.

თავთავების ასაკრეფად

გია მისდევს ნამკალს,

თანაც ფიქრობს ხუთიანი

როგორა ჰგავს ნამგალს.

რა ლამაზი თავი და

რა ლამაზი ტანი აქვს,

მივამსგავსე ციფრი ექვსი

პაპის ჩიბუხს ტარიანს.