სან-მარინო მსოფლიოში მონაკოსა და ვატიკანის შემდეგ ერთ-ერთი ყველაზე პატარა (ჯუჯა) და ევროპის უძველესი სახელმწიფოა, რომელსაც ყველა მხრიდან იტალიის ტერიტორია ესაზღვრება. ის მდებარეობს სამხრეთ ევროპაში. მისი ფართობია 61,2 კვ.კმ.

1862 წელს სან-მარინო გახდა დამოუკიდებელი იტალიის პროტექტორატის ქვეშ.

1947-1986 წლებში ქვეყანას მემარცხენე ცენტრისტული კოალიცია მართავდა, ხოლო შემდეგ კომუნისტური და ქრისტიან-დემოკრატიული.

სახელმწიფო სისტემა რესპუბლიკური ტიპისაა. სახელმწიფოს მეთაურობს ორი კაპიტან-რეგენტი: ალბერტო სელვა და მიკრო ტომასონი.

საკანონმდებლო ორგანოა ერთპალატიანი პარლამენტი 60 წევრით. ადმინისტრაციული დაყოფაა 9 კომუნა.

ქვეყნის მოსახლეობა 32 576 ადამიანს შეადგენს. აქედან 91% სან-მარინოელია, ხოლო 9% იტალიელი.

სახელმწიფო ენა იტალიურია. ძირითადი რელიგია კათოლიციზმი.

ქვეყნის მთავარი დღესასწაულია რესპუბლიკის დაარსების დღე 3 სექტემბერი (301 წელი).

რესპუბლიკის დედაქალაქი ქალაქი-კომუნა სან-მარინოა. ძველი ქალაქი ნამდვილი მუზეუმია ღია ცის ქვეშ, რომელიც მთა მონტე-ტიტანოს მწვერვალზეა გადაჭიმული.

სან-მარინო

ჩრდილოეთით განლაგებულია კომუნა სერავალე - რესპუბლიკის ყველაზე მჭიდროს დასახლებული მუნიციპალიტეტი. აქ ქვეყნის სპორტული გული სცემს.

სერავალე