Lahat ng tao ay nagtatamasa ng kalayaan. Subalit hindi tayo malaya na piliin ang kahihinatnan ng ginawa nating pagpapasya at kilos.

Kailangan maging mapanagutan sa paggamit ng kalayaan. Inaasahan na magamit ng tama at naaayon sa kabutihan ang tinatamasang kalayaan.

Ang malayang pagpapahayag ay karapatan natin bilang mamamayan. Ito ay pagkilala na bawat isa sa atin ay may karapatang magpahayag ng sariling opinyon o saloobin sa pamamagitan ng pagsulat, pagsasalita o pamamahayag sa radyo, telebisyon o pahayagan.

Ang mga sumusunod ay palatandaan ng mapanagutang paggamit sa kalayaan sa pagpapahayag...

1. Pag-isipang mabuti ang nais ipahayag o sabihin upang hindi makasakit ng damdamin ng kapwa.

2. Tiyakin na hindi makasisira ng pagkatao o reputasyon ng kapwa ang iyong sasabihin.

3. Gamitin na panuntunan ang batas ng bansa at tiyakin na ito ay hindi malalabag sa iyong paglalahad.