იყო ერთი გვრიტი, რომელსაც ჰყავდა ორი ბარტყი. ერთხელაც მას ერთმა  გლეხმა ბარტყები მოსტაცა,გვრიტი კი მათ საძებნელად გაეშურა.

გზად მამალი შემოხვდა:-სად მიდიხარ?-ჰკითა მან.-შვილების საძებნელად,-უპასუხა გვრიტმა

-მოდი,მეც შენი მშველელი ვიქნები,-უთხრა

მამალმა და გაჰყვა.

იარეს იარეს და წინ ჯერ მახათი შემოეყარათ,მერე-ფილთაქვა

,ბოლოს კი -ვირი.

 -ჩვენც დაგეხმარებით,-უთხრეს გვრიტს და ერთად გაუდგნენ გზას. წინ გვრიტი მიდის. უკან მამალი, მახათი, ფილთაქვა და ვირი მისდევენ.

შუაღამისას ერთ სოფელში შევიდნენ, იმ სახლს მიაგნეს სადაც ის ბოროტი კაცი ცხოვრობდა და მასზე შური იძიეს.მამალი ბუხრის თავზე აძვრა,ვირი კართან აიტუზა,ფილთაქვა ნაცარში ჩაიმალა, მახათი კი ბუხრის გვერდით დაერჭო. ბოროტ კაცს, გვრიტის მეგობრები გაღვიძებისას თავს დაესხნენ. 

ამასობაში გვრიტმა ბარტყები გალიიდან დაიხსნა და ბუდისაკენ გაეშურა.

                      ჭირი იქა, ლხინი აქა.

                      ქატო იქა, ფქვილი აქა.