გამაჯობათ, 

მინდა გამოგზაუროთ იმერეთის ლამაზ მხარეში. მიუხედავად იმისა,  რომ ჩვენი სამშობლო ულამაზესია ყველა თავისი კუთხე- კუნჭულებით, მე გამოგზაურებთ ჩემს მხარეში , სადაც დავიბადე  და გავიზარდე,  სადაც ჩემი ფესვებია.

იმერეთი-  ჩემი ქუთაისი,  ძველთაძველი და სატახტო ქალაქი. 

ქუთაისი —  საქართველოს სამეფოს ისტორიული დედაქალაქი, ქუთაისის საეპისკოპოსოს ისტორიული ცენტრი. მდებარეობს მდინარე რიონზე. ოფიციალურად ქალაქად გამოცხადდა 1811 წელს, თუმცა უფრო ადრინდელ პერიოდში (730 წ., 980-1072 წწ.) იგი მოიხსენიება საქართველოს მნიშვნელოვან ქალაქთა რიცხვში.

 ქუთაისში შეხვდებით უძველეს შენობებს,ხიდებს. ქალაქს ამშვენებს ლადო მესხიშვილის უზარმაზარი თეატრი, ოპერისა და ბალეტის თეატრი, ჩემი საყვარელი პირველი სკოლა, სადაც უამრავი ცნობილი ადამიანის ნაკვალევია. 

ქალაქს თავზე გადმოყურებს ბაგრატის ტაძარი ,რომელიც მდებარეობს, უქიმერიონის გორაზე. იგი აგებულია 1003 წელს, ბაგრატ III-ის მეფობის ხანაში. ბაგრატის ტაძარი ქართული კულტურის მნიშვნელოვანი ძეგლია.

ქუთაისთან ახლოს არის მოწამეთას მონასტერი. ძველი ქართული კულტურის ერთ-ერთ მნიშვნელოვანი ძეგლი. გალავნით შემორტყმული მონასტერი კლდოვან-ტყიან მთის დაკავებულ ადგილზეა გაშენებული.ულამაზეს ბუნებაში ჩაფლული.  ამჟამინდელი ეკლესია აგებულია წმინდა ძმების დავით და კონსტანტინე მხეიძეების უკვდავ საყოფად. .

მოწამეთასთან ახლოსაა გელათის ტაძარი.

გელათის მონასტერი — ქართული შუა საუკუნეების საქართველოს კულტურის უმნიშვნელოვანესი ცენტრი. აგებულია მდინარე წყალწითელის ხეობაში. დაარსებულია 1106 წელს დავით აღმაშენებლის თაოსნობით და მონასტრის  ეზოში არის მისი საფლავიც.

ქუთაისთანაა ასევე ულამაზესი სათაფლიაც და პრომეტეს მღვიმე .სათაფლიაში სადაც დინოზავრის ნაკვალევს შევხვდებით და ულამაზეს ბუნებას. იგი იმერეთის რეგიონში, წყალტუბოს მუნიციპალიტეტში მდებარეობს, სადაც აღმოჩენილია სხვადასხვა ეპოქის როგორც მტაცებელი, ასევე ბალახისმჭამელი დინოზავრის ნაკვალევი.