ერეკლე მეორე

წინათ ქართლ-კახეთში მეფობდა მეფე ერეკლე.სპარსეთის ხელმწიფემ მოსთხოვა მას, ეცნო იგი მეფეთა მეფედ და ხარკი ეძლია.მეფე ერეკლემ ცივი უარი შეუთვალა.

სპარსეთის ხელმწიფემ შეკრიბა დიდძალი ჯარი და სწრაფად მოადგა თბილისს.მეფე ერეკლემ მხოლოდ მცირეოდენი ჯარის მოგროვება მოასწრო.სპარსელები ერთიათად მეტნი იყვნენ ქართველებზე.

ქართველთა ჯარში ერია სამასი არაგველის რაზმი.

ბრძოლის დაწყების წინ ამ რაზმის მეომრებმა შეჰფიცეს ერთმანეთს;

თუ ბედმა გვიღალატა და მტერი ვერ დავძლიეთ,შერცხვენილი იყოს,ვინც ცოცხალი თავით შინ დაბრუნდესო;ან გამარჯვება მტერზე და ან სიკვდილი ბრძოლის ველზეო!

ეს ვაჟკაცური ფიცი რაზმმა ვაჟკაცურადვე შეასრულა.სპარსელების აუარებელმა ჯარმა სძლია ქართველთა ჯარს,მაგრამ არც ერთმა არაგველმა მტერს ზურგი არ უჩვენა.