იმერეთში, წყალტუბოს მუნიციპალიტეტში, ქ. ქუთაისიდან ჩრდილო დასავლეთით 7 კილომეტრში,  სათაფლიის ნაკრძალში აღმოჩენილია 65.5 მილიონი წლის წინ გადაშენებული 7 სხვადასხვა სახეობის 25 დინოზავრის 200-მდე ნაკვალევი. 

       სათაფლია ერთადერთი ადგილია მსოფლიოში, სადაც ერთსა და იმავე ადგილზე აღბეჭდილია როგორც ბალახისმჭამელი, ასევე მტაცებელი დინოზავრების ნაკვალევი. 

დინოზავრის ნაკვალევის სიახლოვეს რამდენიმე კარსტული მღვიმეა. სათაფლიის მღვიმეში პირველად შეაღწია ცნობილმა ნატურალისტმა პეტრე ჭაბუკიანმა 1925 წელს. მღვიმეში სტალაქტიტებისა და სტალაგმიტების ტყეა. 

2017 წელს მარტვილში, აბაშისწყლის ხეობაში 65.5 მილიონი წლის წინანდლი დინოზავრების მრავალი კვალი და არტეფაქტი აღმოაჩინეს. აღმოჩენილი იქნა პლეზიოზავრების და ჰადროზავრის ფეხის ნაკვალევი.

რატომ გადაშენდნენ დინოზავრები?

ამ საკითხზე რამდენიმე მოსაზრება არსებობს. "დინოზავრები 65 მილიონი წლის წინათ გადაშენდნენ მეტეორიტების მთელი სერიების გამო, რომლებიც დედამიწას ათასი წლის განმავლობაში ბომბავდნენ", - განაცხადეს ბრიტანელმა სწავლულებმა.

     ზოგი მეცნიერი თვლის, რომ მიზეზი იყო ვულკანის ფერფლი. მან დაფარა მიწა. ფერფლმა დაფარა მცენარეები. ამიტომ დინოზავრებს საკვები აღარ ჰქონდათ და დაიხოცნენ.

      ზოგის აზრით კი, მიზეზი ასტეროიდია. დედამიწას დაეჯახა. ასე გაჩნდა მტვრის სქელი ფენა. მტვრის ღრუბელი ცაში ავიდა და მზეს აეფარა. ამან პლანეტის დაბნელება და გლობალური ზამთარი გამოიწვია. სწორდ ძლიერი ყინვის გამო დაიღუპნენ დინოზავრები.

     ზოგი იმასაც ამბობს, რომ ისინი რაღაც დაავადებამ გაანადგურა. ამ აზრს ბევრი არ ეთანხმება. კვლევა კი ისევ გრძელდება. იმედია, ზუსტ პასუხს მეცნიერები მალე იპოვნიან. 

გმადლობთ ყურადღებისთვის!