ქართველები საქართველოს ფარგლებს გარეთაც ცხოვრობენ.თუ გსმენიათ რამე ირანში მცხოვრებ ქართველებზე?

მეჩვიდმეტე საუკუნის დამდეგს დიდ ბრძოლა იყო სპარსელებსა და კახელებს შორის.სპარსეთის ხელმწიფე,ანუ შაჰი,მოწადინებული იყო დაემონებინა კახეთი,გაეთათრებინა,ქართველობა დაევიწყებინა და სპარსეთთან შეესისხლხორცებინა.

კახელები თავგანწირვით იბრძოდნენ,მათ ძმურად ეხმარებოდნენ ქართლელებიც და საქმეს უჭირვებდნენ შაჰს.

მაშინ სპარსეთის მბრძანებელმა გადაწყვიტა,მთელი თავისი ურიცხვი ჯარით შემოსეოდა კახეთს,დაეტყვევებინა მრავალი,გაეგზავნა სპარსეთში,იქ დაესახლებინა სამუდამოდ და მათ ადგილას გადმოესახლებინა თათრები.